מקור דברי הימים א כ״ה
1 וַיַּבְדֵּ֣ל דָּוִיד֩ וְשָׂרֵ֨י הַצָּבָ֜א לַעֲבֹדָ֗ה לִבְנֵ֤י אָסָף֙ וְהֵימָ֣ן וִידוּת֔וּן הנביאים הַֽנִּבְּאִ֛ים בְּכִנֹּר֥וֹת בִּנְבָלִ֖ים וּבִמְצִלְתָּ֑יִם וַֽיְהִי֙ מִסְפָּרָ֔ם אַנְשֵׁ֥י מְלָאכָ֖ה לַעֲבֹדָתָֽם׃
2 לִבְנֵ֣י אָסָ֗ף זַכּ֧וּר וְיוֹסֵ֛ף וּנְתַנְיָ֥ה וַאֲשַׂרְאֵ֖לָה בְּנֵ֣י אָסָ֑ף עַ֚ל יַד־אָסָ֔ף הַנִּבָּ֖א עַל־יְדֵ֥י הַמֶּֽלֶךְ׃
3 לִידוּת֑וּן בְּנֵ֣י יְדוּת֡וּן גְּדַלְיָ֡הוּ וּצְרִ֡י וִ֠ישַׁעְיָ֠הוּ חֲשַׁבְיָ֨הוּ וּמַתִּתְיָ֜הוּ שִׁשָּׁ֗ה עַל֩ יְדֵ֨י אֲבִיהֶ֤ם יְדוּתוּן֙ בַּכִּנּ֔וֹר הַנִּבָּ֕א עַל־הֹד֥וֹת וְהַלֵּ֖ל לַיהֹוָֽה׃ ס
4 לְהֵימָ֑ן בְּנֵ֣י הֵימָ֡ן בֻּקִּיָּ֡הוּ מַתַּנְיָ֡הוּ עֻ֠זִּיאֵ֠ל שְׁבוּאֵ֨ל וִירִימ֜וֹת חֲנַנְיָ֣ה חֲנָ֗נִי אֱלִיאָ֤תָה גִדַּ֙לְתִּי֙ וְרֹמַ֣מְתִּי עֶ֔זֶר יׇשְׁבְּקָ֣שָׁה מַלּ֔וֹתִי הוֹתִ֖יר מַחֲזִיאֹֽת׃
5 כׇּל־אֵ֨לֶּה בָנִ֜ים לְהֵימָ֗ן חֹזֵ֥ה הַמֶּ֛לֶךְ בְּדִבְרֵ֥י הָאֱלֹהִ֖ים לְהָרִ֣ים קָ֑רֶן וַיִּתֵּ֨ן הָאֱלֹהִ֜ים לְהֵימָ֗ן בָּנִ֛ים אַרְבָּעָ֥ה עָשָׂ֖ר וּבָנ֥וֹת שָׁלֽוֹשׁ׃
6 כׇּל־אֵ֣לֶּה עַל־יְדֵי֩ אֲבִיהֶ֨ם בַּשִּׁ֜יר בֵּ֣ית יְהֹוָ֗ה בִּמְצִלְתַּ֙יִם֙ נְבָלִ֣ים וְכִנֹּר֔וֹת לַעֲבֹדַ֖ת בֵּ֣ית הָאֱלֹהִ֑ים עַ֚ל יְדֵ֣י הַמֶּ֔לֶךְ אָסָ֥ף וִידוּת֖וּן וְהֵימָֽן׃
7 וַיְהִ֤י מִסְפָּרָם֙ עִם־אֲחֵיהֶ֔ם מְלֻמְּדֵי־שִׁ֖יר לַיהֹוָ֑ה כׇּ֨ל־הַמֵּבִ֔ין מָאתַ֖יִם שְׁמוֹנִ֥ים וּשְׁמוֹנָֽה׃
8 וַיַּפִּ֜ילוּ גּוֹרָל֣וֹת מִשְׁמֶ֗רֶת לְעֻמַּת֙ כַּקָּטֹ֣ן כַּגָּד֔וֹל מֵבִ֖ין עִם־תַּלְמִֽיד׃ פ
9 וַיֵּצֵ֞א הַגּוֹרָ֧ל הָרִאשׁ֛וֹן לְאָסָ֖ף לְיוֹסֵ֑ף ס        גְּדַלְיָ֙הוּ֙ הַשֵּׁנִ֔י הֽוּא־וְאֶחָ֥יו וּבָנָ֖יו שְׁנֵ֥ים עָשָֽׂר׃ ס
10 הַשְּׁלִשִׁ֣י זַכּ֔וּר בָּנָ֥יו וְאֶחָ֖יו שְׁנֵ֥ים עָשָֽׂר׃ ס
11 הָֽרְבִיעִי֙ לַיִּצְרִ֔י בָּנָ֥יו וְאֶחָ֖יו שְׁנֵ֥ים עָשָֽׂר׃ ס
12 הַחֲמִישִׁ֣י נְתַנְיָ֔הוּ בָּנָ֥יו וְאֶחָ֖יו שְׁנֵ֥ים עָשָֽׂר׃ ס
13 הַשִּׁשִּׁ֣י בֻקִּיָּ֔הוּ בָּנָ֥יו וְאֶחָ֖יו שְׁנֵ֥ים עָשָֽׂר׃ ס
14 הַשְּׁבִעִ֣י יְשַׂרְאֵ֔לָה בָּנָ֥יו וְאֶחָ֖יו שְׁנֵ֥ים עָשָֽׂר׃ ס
15 הַשְּׁמִינִ֣י יְשַֽׁעְיָ֔הוּ בָּנָ֥יו וְאֶחָ֖יו שְׁנֵ֥ים עָשָֽׂר׃ ס
16 הַתְּשִׁיעִ֣י מַתַּנְיָ֔הוּ בָּנָ֥יו וְאֶחָ֖יו שְׁנֵ֥ים עָשָֽׂר׃ ס
17 הָעֲשִׂירִ֣י שִׁמְעִ֔י בָּנָ֥יו וְאֶחָ֖יו שְׁנֵ֥ים עָשָֽׂר׃ ס
18 עַשְׁתֵּי־עָשָׂ֣ר עֲזַרְאֵ֔ל בָּנָ֥יו וְאֶחָ֖יו שְׁנֵ֥ים עָשָֽׂר׃ ס
19 הַשְּׁנֵ֤ים עָשָׂר֙ לַֽחֲשַׁבְיָ֔ה בָּנָ֥יו וְאֶחָ֖יו שְׁנֵ֥ים עָשָֽׂר׃ ס
20 לִשְׁלֹשָׁ֤ה עָשָׂר֙ שֽׁוּבָאֵ֔ל בָּנָ֥יו וְאֶחָ֖יו שְׁנֵ֥ים עָשָֽׂר׃ ס
21 לְאַרְבָּעָ֤ה עָשָׂר֙ מַתִּתְיָ֔הוּ בָּנָ֥יו וְאֶחָ֖יו שְׁנֵ֥ים עָשָֽׂר׃ ס
22 לַחֲמִשָּׁ֤ה עָשָׂר֙ לִירֵמ֔וֹת בָּנָ֥יו וְאֶחָ֖יו שְׁנֵ֥ים עָשָֽׂר׃ ס
23 לְשִׁשָּׁ֤ה עָשָׂר֙ לַחֲנַנְיָ֔הוּ בָּנָ֥יו וְאֶחָ֖יו שְׁנֵ֥ים עָשָֽׂר׃ ס
24 לְשִׁבְעָ֤ה עָשָׂר֙ לְיׇשְׁבְּקָ֔שָׁה בָּנָ֥יו וְאֶחָ֖יו שְׁנֵ֥ים עָשָֽׂר׃ ס
25 לִשְׁמוֹנָ֤ה עָשָׂר֙ לַחֲנָ֔נִי בָּנָ֥יו וְאֶחָ֖יו שְׁנֵ֥ים עָשָֽׂר׃ ס
26 לְתִשְׁעָ֤ה עָשָׂר֙ לְמַלּ֔וֹתִי בָּנָ֥יו וְאֶחָ֖יו שְׁנֵ֥ים עָשָֽׂר׃ ס
27 לְעֶשְׂרִים֙ לֶאֱלִיָּ֔תָה בָּנָ֥יו וְאֶחָ֖יו שְׁנֵ֥ים עָשָֽׂר׃ ס
28 לְאֶחָ֤ד וְעֶשְׂרִים֙ לְהוֹתִ֔יר בָּנָ֥יו וְאֶחָ֖יו שְׁנֵ֥ים עָשָֽׂר׃ ס
29 לִשְׁנַ֤יִם וְעֶשְׂרִים֙ לְגִדַּ֔לְתִּי בָּנָ֥יו וְאֶחָ֖יו שְׁנֵ֥ים עָשָֽׂר׃ ס
30 לִשְׁלֹשָׁ֤ה וְעֶשְׂרִים֙ לְמַ֣חֲזִיא֔וֹת בָּנָ֥יו וְאֶחָ֖יו שְׁנֵ֥ים עָשָֽׂר׃ ס
31 לְאַרְבָּעָ֤ה וְעֶשְׂרִים֙ לְרוֹמַ֣מְתִּי עָ֔זֶר בָּנָ֥יו וְאֶחָ֖יו שְׁנֵ֥ים עָשָֽׂר׃ פ
פירוש רש"י על דברי הימים א כ״ה
1 וַיַּבְדֵּל דָּוִיד וְשָׂרֵי הַצָּבָא לַעֲבוֹדָה. לְשׁוֹרֵר הַשִּׁיר:
2 לִבְנֵי אָסָף וְגוֹ׳. מִכָּל הַלְוִיִּם לֹא הִבְדִּיל כִּי אִם בְּנֵי אָסָף:
3 וְהֵימָן וִידוּתוּן הַנִּבְּאִים. כְּשֶׁהָיוּ מְנַגְּנִים בִּכְלֵי שִׁירִים הַלָּלוּ הָיוּ מִתְנַבְּאִים, דֻּגְמָא בֶּאֱלִישָׁע ״קְחוּ לִי מְנַגֵּן״ מלכים ב ג:טו וְהָיָה כְּנַגֵּן הַמְנַגֵּן וַתְּהִי עָלָיו יַד ה׳:
4 וַיְהִי מִסְפָּרָם אַנְשֵׁי מְלָאכָה. כְּלוֹמַר הַמִּשְׁמָרוֹת עֶשְׂרִים וְאַרְבַּע עַל עֶשְׂרִים וְאַרְבַּע מִשְׁמָרוֹת, אַרְבָּעָה בָּנִים שֶׁל אָסָף וְשִׁשָּׁה שֶׁל יְדוּתוּן וְאַרְבָּעָה עָָָשָׂר שֶׁל הֵימָן, הֲרֵי עֶשְׂרִים וְאַרְבַּע. לְמַטָּה כָּלַל מִסְפַּר כֻּלָּן, כְּדִכְתִיב וַיְהִי מִסְפָּרָם עִם אֲחֵיהֶם וְגוֹ׳:
5 וּמַתִּתְיָהוּ שִׁשָּׁה. וְלֹא תִמְצָא אֶלָּא חָמֵשׁ! אִשְׁתּוֹ הָיְתָה מְעֻבֶּרֶת אֶת שִׁמְעִי, וְרָאָה בְּרוּחַ הַקֹּדֶשׁ שֶׁגַּם הוּא עָתִיד לִהְיוֹת רֹאשׁ מִשְׁמָרָה, לְפִיכָךְ אָמַר: שִׁשָּׁה; וְזֶהוּ שֶׁנֶּאֱמַר לְפָנֵינוּ הָעֲשִׂירִי שִׁמְעִי. זֶהוּ שֶׁיִּסֵּד הַפַּיְּטָן בקדשת של יוצר דפרשת שקלים ״רָשׁוּם מִבֶּטֶן לְהִפָּקֵד בְּמִשְׁמֶרֶת הַקֹּדֶשׁ״:
6 עַל יְדֵי אֲבִיהֶם יְדוּתוּן. דֻּגְמָא: ״עַל יָדוֹ הֶחֱזִיק״ נחמיה ג:ח:
7 הַנִּבָּא עַל הוֹדוֹת וְהַלֵּל. שֶׁהָיוּ מְנַגְּנִים בְּכִנּוֹר מִזְמוֹרֵי ״הוֹדוּ״ וּמִזְמוֹרֵי ״הַלְלוּיָהּ״, וְהָיָה מִתְנַבֵּא:
8 וְרוֹמַמְתִּי עֶזֶר. שֵׁם אֶחָד הוּא:
9 חֹזֵה הַמֶּלֶךְ בְּדִבְרֵי הָאֱלֹהִים לְהָרִים קָרֶן. קֶרֶן הַנְּבוּאָה שֶׁמִּתְנַבֵּא לַמֶּלֶךְ; דּוּגְמָא: ״וְיָרֵם קֶרֶן מְשִׁיחוֹ״ שמואל א ב:י:
10 וַיִּתֵּן הָאֱלֹהִים לְהֵימָן. כְּלוֹמַר: אִם לֹא שֶׁנָּתַן לוֹ אֱלֹהִים הַבָּנִים, אִי אֶפְשָׁר שֶׁהָיוּ לוֹ אַרְבָּעָה עָשָׂר בָּנִים וְשָׁלוֹשׁ בָּנוֹת וְכֻלָּן רְאוּיִין לִהְיוֹת רָאשֵׁי מִשְׁמָרוֹת. דּוּגְמָא: ״וַיִּתֵּן ה׳ לָהּ הֵרָיוֹן וַתֵּלֶד בֵּן״ רות ד:יג – אִם לֹא שֶׁהָיְתָה מַתָּנָה זוֹ מֵה׳, אִי אֶפְשָׁר שֶׁיּוֹלִיד בֹּעַז שֶׁהָיָה זָקֵן; וְכֵן ״וַיַּרְאֵהוּ ה׳ אֶת כָּל הָאָרֶץ״ דברים לד:א – אִם לֹא מֵאֵת ה׳ הָיְתָה רְאוּיָה זֹאת, אִי אֶפְשָׁר לְהַבִּיט כָּל כָּךְ לְמֵרָחוֹק:
11 כָּל הַמֵּבִין. לְעִנְיַן שִׁירָה נוֹפֵל לוֹמַר ״מֵבִין״, כְּדִכְתִיב ״מֵבִין עִם תַּלְמִיד״ דברי הימים א כה:ח; ״וּכְנַנְיָהוּ שַׂר הַלְוִיִּם בְּמַשָּׂא יָסֹר בְּמַשָּׂא כִּי מֵבִין הוּא״ דברי הימים א טו:כב:
12 וַיַּפִּילוּ גוֹרָלוֹת מִשְׁמֶרֶת לְעֻמַּת. פִּתְרוֹן: מִשְׁמֶרֶת לְעֻמַּת מִשְׁמֶרֶת; וְדוּגְמָא לְמַעְלָה: ״וָאֶהְיֶה מִתְהַלֵּךְ מֵאֹהֶל אֶל אֹהֶל וּמִמִּשְׁכָּן״ דברי הימים א יז:ה – פִּתְרוֹן: מִמִּשְׁכָּן אֶל מִשְׁכָּן:
13 כַּקָּטֹן כַּגָּדוֹל מֵבִין עִם תַּלְמִיד. פִּתְרוֹן: הִפִּילוּ גוֹרָלוֹת עַל הַמִּשְׁמָרוֹת, זֶה לְעֻמַּת זֶה, מִשְׁמֶרֶת לְעֻמַּת מִשְׁמֶרֶת, כַּקָּטֹן כַּגָּדוֹל, מֵבִין – הָרַב, עִם תַּלְמִיד, כֻּלָּם הָיוּ שָׁוִין בָּזֶה לְמִי שֶׁיַּגִּיעַ הַגּוֹרָל הָרִאשׁוֹן: אִם לְקָטָן – כֵּן יַקְדִּים הוּא לִהְיוֹת רִאשׁוֹן, וְאִם אַחֲרוֹן – יִהְיֶה אַחֲרוֹן; וְכֵן כֻּלָּם: בֵּין מֵבִין בֵּין תַּלְמִיד, בֵּין קָטָן בֵּין גָּדוֹל. וּמִשְׁמָרוֹת אֵלּוּ שֶׁל לְוִיִּם הוֹלְכִים אַחַר מִשְׁמָרוֹת שֶׁל כֹּהֲנִים דברי הימים א כד:ז-יח, לְמִי שֶׁנּוֹפֵל הַגּוֹרָל הָאֶחָד – מִשְׁמֶרֶת רִאשׁוֹן עִם מִשְׁמֶרֶת יְהוֹיָרִיב הַכֹּהֵן, וּלְמִי שֶׁיִּפֹּל הַגּוֹרָל הַשֵּׁנִי, יְשַׁמֵּשׁ הוּא וּמִשְׁמַרְתּוֹ עִם מִשְׁמֶרֶת יְדַעְיָה הַכֹּהֵן:
14 וַיֵּצֵא הַגּוֹרָל הָרִאשׁוֹן לְאָסָף לְיוֹסֵף. בְּנוֹ רִאשׁוֹן:
15 גְּדַלְיָהוּ הַשֵּׁנִי. גְּדַלְיָהוּ בְּכוֹר יְדוּתוּן הוּא לעיל, ג:
16 וְאֶחָיו וּבָנָיו שְׁנֵים עָשָׂר וְכוּ׳. פִּתְרוֹן: עַל כָּל מִשְׁמָרָה וּמִשְׁמָרָה יָבֹאוּ שְׁנֵים עָשָׂר לְוִיִּם, שֶׁהֲרֵי הָיוּ כֻּלָּם מָאתַיִם שְׁמוֹנִים וַחֲמִשָּׁה, וּכְשֶׁתְּחַלְּקֵם לְעֶשְׂרִים וְאַרְבָּעָה חֲלָקִים יִהְיֶה כָּל חֵלֶק וְחֵלֶק שְׁנֵים עָשָׂר לְוִיִּם. נִרְאֶה לִי: וְזֶהוּ אֶחָיו וּבָנָיו מוּסָב לְיוֹסֵף וְלִגְדַלְיָהוּ, וּלְפִי שֶׁבְּפָסוּק אֶחָד שְׁנֵיהֶם נִזְכָּרִים, כָּתַב לְבַד פַּעַם אַחַת הוּא וּבָנָיו וְאֶחָיו, וְכָל אֶחָיו וַאֲחֵיהֶם שֶׁבָּעִנְיָן לָאו אֶחָיו מַמָּשׁ, אֶלָּא חֲבוּרָה אַחַת קוֹרֵא אַחִים, ברודי״ר שפ״ט בְּלָשׁוֹן אַשְׁכְּנַז:
17 הַשְּׁלִישִׁי זַכּוּר. בְּכוֹר אָסָף לעיל, ב:
18 הָרְבִיעִי לַיִּצְרִי. שֵׁנִי שֶׁל יְדוּתוּן לעיל, ג:
19 הַחֲמִישִׁי נְתַנְיָהוּ. שְׁלִישִׁי שֶׁל אָסָף; כָּךְ נָפַל הַגּוֹרָל מִזֶּה לָזֶה: